رداً على ما يقال



شاء الله وماشاء كان أن تظل دعوة الاخوان على ماعهده الناس فيها منذ أن دعى إليها داعيتها الاول الامام الشهيد حسن البنا سلفية العقيدة عملية التطبيق روحانية السلوك محمدية الخلق لم تلحقها شبهات التحديث ولم ترض نزعات التغريب منهجها قرآنها والرسول قدوتها والموت فى سبيل الله أسما أمانيها فهى واضحة المعالم محدة الأهداف واضحة الغاية .

فهى تعمل على بناء الفرد أولاً ثم بناء الاسرة المسلمة ومن هذه الاسرة يتكون المجتمع المسلم وهذا المجتمع هو الذى يعيد للأمة مجدها ويعيد للدولة هيبتها وهى تتخذ فى سبيل ذلك نهج رسول الله صلى الله عليه وسلم
الدعوة الى الله .


وهى فى سبيل ذلك تتحمل ما تلاقى من أذى وابتلاء فى سبيل الله صابرة محتسبة ليس ضعفاً منها ولا خوف على وجودها وحياة افردها ولكن حفاظاً على الدولة والمجتمع من سوء عاقبة المواجهة لأن أعداء الامة والاسلام يريدونها مواجهة بين جماعة الاخوان والدولة لكي يستطيعوا أن ينهوا على جماعة الاخوان وفى نفس الوقت تنهار الدولة وهذا مايريده الأعداء.
والاخوان يتبعون فى ذلك نهج رسول الله صلى الله عليه وسلم فى المحافظة على الدولة و كينها فنجد أن رسول الله صلى الله عليه وسلم وهو فى مكة قد أمر المسلمين بكف أيديهم فلم نجد مقاومة من رسول الله للمشركين وعندما هاجر الى المدينة وتكونت الدولة المسلمة فلم يتردد رسول الله صلى الله عليه وسلم فى مواجهة الاعداء
وكانة غزوة بدر خير دليل على ذلك رغم قلة عدد المسلمين إلا انهم واجهوا قوى الشرك والتكبر وهزموهم شر هزيمة.

22 Responses
  1. عبده
    لحد امتى ؟
    هتفضل جماعه الاخوان مبينه انها شهيده العصر
    انها يا ما اتحملت على شان مصر و على شان الاسلام ده طبعا غلط خالص
    هو الحق لله انهم اللى يهمه غزه
    لا يهمه اسلام و لا مسلمين و لا حاجه
    المسلمين بيقتلوا فى كل انحء المعموره و هما نايمين على ودانهم
    مش بيتحركوا الا لو حصل لغزه اى شىء و كأن الاسلام فى غزه بس مش فى الصين اللى فى ابادات هذه الايام

    الجماعه بتضحك على الشباب اللى فى سنك اللى من سمه الفتره دى
    الميول للدين او العنف و المظاهرات و الدخول فى نقاشات
    هما عرفوا يستغلوا ده اوى
    ابقى دافع عنهم لما يهتموا بالاسلام فى كل ارجاء المعموره مش غزه بس
    تحياتى


  2. لا يكلف الله نفساُ الا وسعها

    طبعاً ده كلام ربنا

    الدولة محتاجه من الاخوان فى فترة ذى الوقتى انها تخرج عن اردتها وتتصادم معها وطبعاً ده لو حصل ستزداد الاعتقلات فى صفوف الاخوان وهذا يكون عبره لمن يريد ان يقل كلمة الحق حتى ولو كان من خارج الاخوان ولن يبقى احد يدافع عن الاسلام ولا حتى عن غزة

    كان فى بداية عصر الدعوة النبي صلى الله عليه وسلم امر القلة المؤمنه معه ان يدعوا الاقارب والعشيرة والاصحاب الى الاسلام فهل هذا يعتبر مثل هذا فشتان شتان

    وللعلم وسأحاسب على ما أقول ان من أهداف جماعة الاخوان تربية الفرد ثم الاسرة ثم المجتمع ثم الدولة ويكون بذلك الاخوان يربون أفرادهم وفى نفس الوقت يرقى بأسرته لكى يصل بها الى مرحلة البت الملتزم المسلم وفى هذه الاونه الاخيره هم فى مرحلة دعوة المجتمع وليس الدعوه لاقامة الدولة ولا النهوض بالحكم فحينما ننتهى من مرحلة تغير المجتمع لكى يكون مجتمع مسلماً ويريد ان يدافع عن حقوقه ضد اى ظالم فنكون فى ذلك الوقت قد أتممنا استعددنا الكامل لمواجهة الحكومة واى ظالم على وجه الارض مادام هناك مجتمع يريد ان يحكم بكتاب الله وسنة رسوله

    وأرجوا الله ان تحكم عقلك فيما قلت وان يكون ميزانك الذى تحكم به هو كتاب الله وسنة رسوله وجمعنا الله واياكم فى الجنه

    وعذراً ان كنت خرجت عن شعورى لان هذاالموضوع لا يخص الاخوان المسلمين بل يخص جميع المسلمين


  3. أزال المؤلف هذا التعليق.

  4. انا ملاحظ برضه زى مامارو قال انى الاخوان مركزين على غزة بس وده مش وحش بس المسلمين فى كل انحاء العالم مضطهدين


  5. saheda.com Says:

    السلام عليكم
    مدونتك رائعة
    وهذه اول زيارة لى
    احب ان اقول ان الاخوان ليسوا مركزين على غزة
    لان عندنا القدس عقيدة
    فنحن نحارب ونجاهد
    من اجل عقيدتنا
    فان المسجد الاقصى كمكة
    فالاخوان يدافعون عن الاسلام والمسلمين فى كل مكان
    ولكن لايظهر امامكم غيرغزة
    ان اخواننا فى غزة لهم واجب علينا
    فليس من المعقول ان نحاصرهم ونحاربهم
    ونقف مع اليهود ضدهم
    ولا يقف الاخوان المسلمين معهم


  6. السلام عليكم
    انها مش مبينه انها شهيده العصر ولا حاجه لو بحثت عن نائب ديرتك ان كان من الاخوان شوف فى تطور عن السنين الى فاتت ام لا. توجد ايجابيات كثيره ولكن السلبيات اكثر بكثير غير محاربه الحكومه واعتقالاتها ؟؟ واقول انها تدافع عن غزه كباقى الشعب هل مره شفت ان مجموعه من الرجاله مشين لوحدهم بيقولو غزه غزه ولا ضمن الناس يدافعون عنها ولو بالصوت هم افضل ولا الى قاعد على القهوه ومش دارى بالدنيا. تابعو موقع امل الامه واعرفو الاخبار ....
    عذرا للاطاله


  7. عبد الهادى
    عاوز ارد على موضوع التربيه
    انا اعرف ناس اخوان و انت تعرفهم شخصيا و لكن للاسف من بره هله هلا و من جوه يعلم الله
    شات و بنات و تعليق بنات و فى الاخر يخلوا بيهم
    هى دى التربيه بتاعكم ؟
    انا عارف ان فى اخوان محترمين بس حبيت اقولك النقطه دى برضو

    عموما انا بعتذر للاطاله
    و الرد بدون اذن

    الاخ الفاضل او الاخت الفاضله دوت كوم
    موضوع القدس عقيده ده مفروغ منه
    بس الاسلام مش منحصر فى القدس بس
    الاسلام له اولويات كتييييييييير
    مش غزه بس
    فى العراق
    فى السودان
    افغانستان
    الصين
    و غيرهم
    شوف موقف الاخوان من القضايا دى و شوف موقفهم من غزه

    عزيزى الفاضل
    حتى عندنا فى مصر الواحد بقى بينكسف من نفسه
    مصر بتخطو خطى سريعه نحو العلمانيه
    و الاخوان اديهم فى الميه البارده
    كل يوم الوضع بيسوء و لا هما هنا كأن مش مهمتهم الدفاع عن الاسلام و لا نشر الاسلام

    الاخ الفاضل المجاهد الصغير
    مش فاهم ردك
    بس حاسس انك بتقول ان الناس هى كمان بتدافع عن غزه
    اخى الفاضل الناس دى اما يكونوا اخوان او يكونوا ناس عاديه متأثرين بالاخوان
    بسبب موقفهم من غزه
    انا اقصد او اطلب ان موقفهم يبقى واحد فى كل القضايا الاسلاميه مش يتجزا

    عبد الهادى
    معلش انا رديت بس لانهم ردوا على ردى و تعليقى


  8. اخى الحبيب مارو اتقى الله هل انت شققت عن قلوب النا وعلمت ما بدخلهم حتى تقول عنهم ذلك

    من الذى يدافع عن الاسلام الم يكن الاخوان

    الاخوان يرون انا الاسلام لا ينحصر فى أرضاً ولا وطن وهم يرون انا قل ارضاً يقال قيها لا اله إلا الله هى ارضاً للاسلام يجب الدفاع عنها

    معلشي انته مش حاسس باللى بيجرى حوليك ولا باللى بعملوه الاخوان وان كل اللى بيتعرض له الاخوان من ابتلأت واعتقالات وتضيق فى الارزاق بسبب دفاعهم عن الدين ولاسلام فى كل مكان
    ولكن للأسف كثيراً من ..... يريدون ان يكتفوا بالمشاهدة ولا حول ولا قوة الا بالله


  9. شكراً على تعليقق


    تحياتى


  10. saheda.com

    لن شاء الله مش تبقى الاخيرة


    عندك حق فى كل اللى قلته

    تحياتى


  11. المجاهد الصغير


    اهلا شكرا للزيااره

    تحياتى


  12. عبد الهادى
    للاخوان مقولتين مبيتغيروش
    و مش هيتغيروا
    اولا انهم ديما يقولوا ان الاخوان اكتر جماعه بتعتقل و ثانيا انهم بيقولوا لما حد يناقشهم فى حاجه و يلاقوا نفسهم اتزنقوا يقولوا اصل ان مش فاهم و اصل انت مش متابع و اصل انت بعيد عن الاحداث

    اخى الفاضل
    اعتقالات ايه اللى بتتكلم عنها
    ما الواد رمضان العطافى اللى فى شارعنا اكتر واحد اعتقل فى شارع بس لانه اكتر واحد بلطجى و خارج عن القانون
    طبعا مش بقول ان الاخوان خارجين ع القانون بس انا بديلك مثال للى بيعتقل

    يا حبيبى انا بقولك انا اعرف اخوان انت نفسك تعرفهم و كنت بتقعد معاهم بس من بره هلا هلا و من جوه يعلم الله
    مع انى برضو اعرف اخوان محترمين
    يبقى موضوع التربيه ده سيبعه ع جمب
    اما عن الدفاع عن الاسلام
    عوزك تقولى عملوا ايه الاخوان وقت ما اغتصب الرجال قبل النساء فى ابو غريب
    عوزك تقولى عملوا ايه الاخوان و المسلمون يذبحون فى الصين
    عملوا ايه الاخوان فى مصرنا الحبيبيه و هى بتبقى علانيه واقفين يتفرجوا و يقولوا استغفر الله العظيم مش بيتحركوا و مش بيقلبوا الدنيا الا لما يحصل حاجه لغزه و بس


  13. بلاش احكى عن الاخوان
    لان زى مافيهم نقائص الكل بيرميهم بحجر
    فيهم برده اكتر من شىء ملتزم وكويس
    زى اى حاجة فى العالم
    جماعه فيها الحلو والوحش

    تقبلو مرورى
    (ملكة بحجابى )


  14. السلام عليكم ورحمة الله وبركاته
    تحياتى لحضرتك
    الى امام دائما
    جماعة اخوان المسلمين لها دور كبير ومؤثر فى المجتمع


  15. اخي الفاضل انما تنجح الفكرة إذا قوي الإيمان بها، وتوفر الإخلاص في سبيلها، وازدادت الحماسة لها، ووجد الاستعداد الذي يحمل على التضحية والعمل لتحقيقها، فهم عناصر أربعة: الإيمان، والإخلاص، والحماس، والعمل ونحمد الله انهم متوفريين فيكثير من الاخوان لذا يبارك الله فيها


  16. اخوانا مارو ...
    معلش يعني بس انت عمال تلف وتدور في حلقه مغلقه
    انت بتنقض جانب التربيه وجانب ان في منهم ناس وشباب زي مابيقولوا في الهوا سوا وانهم مهتمين بس بغزة ..يعني انت شايف ان احنا قدمنا اي حاجه لغزة ولا لغيرها ..اما نفلح في اللي حولينا نبص لمكان تاني
    بص كووول الدنيا فيها كده الحلو والوحش
    الايجابي والسلبي
    يبقى انت خليك ايجابي شويتين لانك بجد متعرفش ايه الي بيحصل خلف الكواليس
    حتى انا معرفش يبقى منفتيش من غير علم

    طيب مدام انت زعلان ان الاخوان معملوش حاجه لخوانا في الصين ..طيب انت عملت ايه قدمت ايه ..يبقى منرميش اللوم على حد لان العالم الاسلامي كله كده بطينته متكلمش ولا هبب حاجه؟؟!!
    يبقى متقلش الاخوان
    كلناااا لازم يكون لينا دور


  17. ملكة الحجاب

    كلامك صح
    كل مكان وكل انسان في ايجابيات وسلبيات
    والكمال لله الف شكر على مرورك


  18. عماد خلاف

    واله فعلا ليها دوور كبير بس مش شرط نكون عرفينه


  19. ابو صهيب

    الف شكر على المرور بالاربعه دوول تبني امه والعالم كمان
    يا هلا فيك اخوي


  20. السلام عليكم
    انا مش هعلق على البوست انا هعلق على كلام ماروا ايه ياعم ماروا مالك فى ايه شادد حيلك عينا ليه فى ايه يعنى
    الجماعه هتفضل هتفضلا ورسها مرفوعه فوق حتى لو كان فيها انس مش اللى هوما صوابع يدك مش زى بعضها وبعدين مش لازم اللى يدخلها يكون ملتزم ميه ميه يبقى احنا لازمتنا ايه يعنى وعلى العموم اعرف ان الحاجه اللى عليها اختلاف هيه اللى بتبقى
    وبعدين مين قال انها مهتميه بى غزه بس مش زنبنا انك مش بتبص على كل حاجه بتبص على اللى انت عاوزة بس مش كده مش بتفكر تبص على الحلو انت ليه ديما بتبص على الوحش وعلى العموم الاختلاف فى الرئى لايفسد للود قضيه
    ونحب نشكرك كمان انك عرفتنا على حجات يمكن مكناش وخدين بلنا منها علشان نزيد الاصلاح فيها
    بس بردوا احب اءكد على انك تبص للحاجه من كل الاتجهات سلام ياماروا
    تحياتى بطووط


  21. رأيى من رأيك تماما
    حوار الدستور اليوم مع المرشد العام اوفى فى الحقيقه كل ماكنت اريد قوله


  22. السلام عليكم
    اول زيارة لي هنا
    وانشاء الله مش الاخيرة
    بشكل عام اي جماعة فيها الصح والغلط
    المهم هو ايه الجاني الطاغي
    والقيادة تكون على اي نهج
    والاخوان انشاء الله نحسبهم على حق
    وانا اتمنى يكونوا اقوى من كده
    طبعا اتمنى ان الخلافة الاسلامية ترجعلنا ونحكم بالقران ان شاء الله
    بس محتاجين لقوة اكبر من كده علشان نقدر نواجه الاعداء
    قوة في الايمان والافراد والسلاح والمجتمع والوعي
    تحياتي


التااريخ

التااريخ
تعريب وتطوير طلاب من أجل مصر