تاااااااج ...تانى
التاج ده جالى من مدونة حسن الحنفي
نبدا
بسم الله الرحمن الرحيم
**بدأت تدون من امتي ؟ و دخلت العالم ده ازاي ؟
بدأت التدوين من وأنا فى الصف الثانى الاعدادى لوحدى بمدونه إسمها حماس الحره وبعدين لما جيت بنت عمى من السفر اللى هيه ساره قدى بالظبط قلنا نعمل مدونة مشتركة مع بعض حتى نحط أفكرنا فيها
دخلت عالم التدوين لم بدأت أشوف مدونات ذى مدونة عبدالمنعم محمود ومدونات كتير ذى مدونة الشاعر وبعدين إتعرفت على شوية مدونين عن طريق بنت عمى شيماء جمعة وبدأت أروح اجتماع المدونين وتعرف على مدونين أكتر وأكتر .

**ايه كان انطباعك في البداية ؟
كان انطباعى انى هعمل المدونه وهسبها لانه كان عالم غريب عليه ومكنتش أعرف انا هعمل ايه لحد ما إجت سارة ووحدنا أفكرنا وعملنا مدونة وحدة وقدرنا اننا نندمج فى هذا العالم

**مين اكتر واحد بتهتم بتعليقه علي بوستك الجديد ؟
انا بهتم بكل اللى بيعلق عندى وبحترم رأى كل واحد وبتابع مدونته

**ايه أهم حاجة اتعلمتها من عالم التدوين ؟
اتعلمت فى عالم التدوين حاجات كتير لاننى كنت بدخل اى موقع أقرأ أول مقطع واخر مقطع وبكده أكون عرفت الموضوع لكن الوقتى بدأت أقرأ كل الموضع كاملة وبدأت اكتسب معلومات كتير وبدأت أعرف اخبار العالم وبدأت أفهم في السياسه شويه

**ايه أكتر حاجة كرهتها ؟
الحقيقه لسه مفيش حاجه قبلتنى كرهتها فى عالم التدوين بس انا بقول ان الواحد لو شاف حاجه
مش عجباه في مدونة يدخل وينقض ويقول رايه ...بادب وباسلوب
يقدر بيه يقنع اللي قدامه او على الاقل يوصل الهدف اللي عاوزة
ويكون عندنا اسلوب في الحوار
مش بقله الادب ذى ما الاخت ayaعملت فى الشات بوكس

18 Responses
  1. ممممممم

    اجابات جميله

    ربنا يباركلك يارب

    شكرا لحل التاج


  2. السلام عليكم

    عبد الهادي_ساره

    بالنسبه لموضوع الاخت ايه

    انا شايف انها مش كانت تقصد

    ايوه هي اسلوبها كان غلط خالص ومستفز

    كمان جدا بس هي كان قصدها النصيحه

    برضه النصيحه مش صح بس هي بتقول

    علي قد علمها يعني مش قصدها حد

    هي بتحسب ان ده غلط فحاولت تصلحه

    بطريقه غلط واسلوب مستفز

    بس انا زعلان اكم اتعاملتم معاها

    في المره التانيه باسلوب مشابه

    حتي مع استفزازها المفروض نقابل

    السيئه بالحسنه ونصبر للاخر

    بس انكم تقولوا مش تدخلي المدونه تاني

    واحنا مستغنيين عن حضرتك

    فده شيء جانبكم الصواب فيه

    بس ربنا معاكم يارب

    ومدونتكم من احسن المدونات

    شكرا

    اخوكم

    حسن حنفي


  3. ريمان Says:

    السلام عليكم

    انتم كمان جالك تاج من حسن حنفى

    حسن ماسابش حد الا اما بعتله التاج

    :)

    اجابات جميله اوى ومتميزه

    وانا سعيده بمدونين زيكم ملتزمين ومحترمين زيكم

    مع ارق التحيات
    ريمان


  4. أشكرك اختى ريمان على مرورك


  5. اخى حسن احنا معترفين ان احنا غلطنا وديماً الواحد يتعلم من خطأه وكل انسان خطاء ولسنا معصومين من الخطاء


  6. أزال المؤلف هذا التعليق.

  7. جوجو Says:

    السلام عليكم

    انا سعدت اوى بزيارتك وكمان لما لقيتك عندك 15 سنة زى يعنى

    ياريت نبقى اصدقاء وعلى تواصل مع بعض


  8. EMMY BABY Says:

    ماشاء الله بجد تفكيرك اكبر من سنك واضح جدا من اسلوب تفكيرك وشكل المدونة اللى بجد احييك عليها

    روعة الاغنية اللى انت حاططها

    ربنا يكرمك وتقدر تحقق حلمك وتنفع مصر والمسلمين

    اجاباتك على التاج جميلة وخاصة انك استفدت من التدوين

    وجميل انك بدأت فى التدوين من سن صغير

    تحياتى

    ايمى


  9. Unknown Says:

    انا حسيب بصمة واقولك ... انا سبتلك الكومنت على مدونتى وطريقة كدا تبقى تعمليها


    تحياتى


  10. حلوة الحاجات الوردية دى

    من حقكم تعيشوا فى الحلم الوردى الجميل دا

    ومصر كل يوم بتدمر حلمنا

    كل يوم بينتشر فيها الفساد الى ملهوش حتى رجل نكسره


    احلموا براحتكم يا شباب مصر


  11. كرهتك يا مصر بالى فيكى


  12. اخويا كرهتك يا مصر..

    طيب ما احنا عارفين انها بايظه وانها مليانه فساد ..وانها..وانها..

    احنا بقه بنحاول نغير فيها ..بنحاول ننحرها على قولتك

    سعدنا بمرورك ..لكن يريت تزورنا بوجه اخر في المرة القادمه


  13. إجابات حلوة أوى يا معلمى


    عقبال لما نشوفك من كبيرى مدونى مصر :)


    أخووك


  14. انا باحسب انا علقت فى البوست ده من زمان والله

    اسف على التاخير

    بس انا قراته من زمان

    بدايه تدونينيه موفقه
    واستمرارا بخير ان شاء الله


  15. غير معرف Says:

    يا ابنى انتا لسه صغير ايه اللى دخلك فى عالم المدونين مانتاش خايف ليمسكوك متلبس بجريمه التدوين ويخترعو ليك قانون مخصوص لمكافحه المدونين الصغار اما بعد كيف حالك وحال البلد مدونتك حلوه ياعم ماتخافشى طول مانتا ما بتخفش ما فى حد هيضرك الى الله والسلام لكل الى ما بيخفوش............
    اخوك احمد ابو عمر


  16. غير معرف Says:

    يا ابنى انتا لسه صغير ايه اللى دخلك فى عالم المدونين مانتاش خايف ليمسكوك متلبس بجريمه التدوين ويخترعو ليك قانون مخصوص لمكافحه المدونين الصغار اما بعد كيف حالك وحال البلد مدونتك حلوه ياعم ماتخافشى طول مانتا ما بتخفش ما فى حد هيضرك الى الله والسلام لكل الى ما بيخفوش............
    اخوك احمد ابو عمر


  17. d/eho Says:

    أحسنت ياعبد الهااااادى غفر الله لك ذنبك


  18. غير معرف Says:

    مـآ شـآء الله أنـآ المدونــة دي بتعجبني أوي ..إستمروـآ و بـآركـ الله فيكـم
    خليني من الرسميات و الكلآم دهـ
    لآ بجد المدونة دي جامده و بحس إن اللي فيها مهم و مفيد لينا كلنـآ ربنا يبارك لكم


التااريخ

التااريخ
تعريب وتطوير طلاب من أجل مصر