يالا العار.... يالا العار .... مصر مشاركة فى الحصار

إحنا النهردة جينلكم بموضوع أبكانا كثيراً وأحزن الكثير.
جدار الموت كما أسموه الجدار الذى تبنيه الحكومة المصرية بتمويل من الحكومة الأمركية على الحدود بين غزة ومصر على عمق 30م تحت الأرض لمنع حفر الأنفاق ولمنع دخول أى من مستلزمات الحياة إلى غزة حتى يحكموا الحصار على حكومة حماس الشرعية وشعب غزة .

بالله عليكم هل يرضي هذا أحد مبارك هذا .... يفعل ما يشاء ولا نجد أحد يتكلم والله كلما أشاهد نشرة الأخبار وأسمع عن هذا الجدار الذى تبنيه حكومتنا الباغية أحس اننى مشارك فى تجويع إخوانى فى غزة . وفى الوقتى الذى تبنى فيه مصر الجدار نجد الغرب والاوربيين يتحركون بقوافل من أجل انقاذ غزة ولكسر الحصار الذى صنعته حكومتنا المصرية .

بالله عليكم من الأحق بنصرة غزة وكسر الحصار عنها؟؟؟؟؟

أقول لرئيس مبارك حرام عليك اللى بتعملوه فى شعب غزة سيحاسبك الله على ما تفعله فى شعب غزة وسيبتليك بمصائب فى أولادك كما تفعل انت مع أطفال وشعب غزة ومن المفروض انك انته اللى تسعدهم لأنك رئيس أكبر دولة عربية و غزة كانت جزء من مصر حتى عام 1967كان عليك أن تعمل على فك هذا الحصار لاإحكامه
وسيرينى الله فيك ايه قريباً الم تفك هذا الحصار

وأقول لشعب غزة إصبروا و صابروا فإن الله لن يترككم بل سينصركم إن شاء الله لأنكم على الحق
وأنتم على طريق الأنبياء و المرسلين والله غالباً على أمره ولكن أكثر الناس لا يعلمون.

5 Responses
  1. غير معرف Says:

    السلام عليكم....
    ع الرغم الى بقا بيتعمل مع الدولة الام الى بتتكلم عنها فى البوست والى بقيت ملطشة فى كل حته ومن الدول الى هي بتقف جنبها وبتسعدها
    واخرها الى عمته فلسطين الا ان دا مش مبرر اننا نساعد فى حصار غزة ودا شىء لازم يحزن عليه كل العرب ومش المصرييين بس
    وعشان دول قبل ما يكونوا فلسطينين ومش ليهم ذنب فى الى حماس عملته دول مسلمين وقبل كل دا عشان احنا نفسنا نحرر المسجد الاقصى ع الاقل نساعدهم عشان كدا
    لكى الله يا غزة
    واكيد احنا نستاهل اى حاجة تحصلنا من الحكومة دى لاننا سكتين
    بيقولوا فى الامثال الشعبية
    ايه فرعنك قال ملقتش حد يملى
    سورى ع تدنى الالفاظ بس دى الحقيقة الى حاصله وحيفضلوا يعملوا اى حاجة هما عايزينها عشان احنا سكتين ليهم
    ربنا يسمحنا ع السكوت دا ويفعو عنا
    ويجعل فينا حد يعرف يتكلم ويقول لا مش حنسكت بعد كدا
    جزاك الله خير ع التذكرة بحالنا
    فى رعاية الله


  2. Unknown Says:

    مش عارفة اقول غير انه من العار على مصر ان تشارك فى حصار اهل غزة
    وان تفرط فى القضية الفلسطينة
    وان نشهد على ذلك

    تحياتى


  3. احنا نستاهل كل اللي بيحصل لنا
    لاننا شعب سلبلي لا يثور ولا يوجد لديه نخوة ولا عزة لنصر دينا ونصرة دينا وابناء غزة
    بنشوف الغلط وواقفين نتفرج عليه

    وعلى راي المثل الشعبي سكتناله دخل بحماره

    فلازم يتعمل اكتر من كدة طول ما احنا ساكتين وواقفين نتفرج والساكت عن الحق شيطان اخرس

    ربنا يسترها وانا متاكدة ان فرج الله قريب


  4. السلام عليكم
    نعم اخى فنحن من عمل هذا الحصار بصمتنا
    فالصمت هو من طمع اليهود
    واستغلال حكمنا


  5. هذه هى السيادة يا أخى

    إذا ضربك عدوك على خدك الأيمن فأدر له خدك الأيسر

    وإذا لم يضربك أخوك ... فأضربه رغما عنه بأمر عدوك!!


التااريخ

التااريخ
تعريب وتطوير طلاب من أجل مصر