رغيف العيش بيتعجب
يقول ازاى حتلغو الدعم
كفايه الناس بتتعذب
وتوصللى بطفح الدم
وراضيين بيا على حالى
وبهزالى لاكيف ولاكم
فى ايدهم م الغموس خالى
يا متغمس بذل وهم
كتير منهم انا قوتـــــــهم
مافيش غيرى يخش الفم
لو مره انا افوتـــــــــــــــــهم
يموتو من الانيميا يا عم
ياعالم يا بتوع البسكوت
ياسيدنا حس بقى وافهم
مافيش ويا المجاعه سكوت
دى فوضى فى البلاد حتعم
ويوم ما حيجوع المكبوت
حيبقى الكل حاله يغم
لاينفع سوط ولا نبوت
ويصبح هــــــــم ما يتلم
ولايشفع تقول شعارات
وتخدع باالكلام وتخم
ولا حنسمع لتبريرات
ساعتها الكل ودنه تصم
رساله منى للمسئول
ده لو فى حد راح يهتم
حيبقى الوضع مش معقول
لو الناس ما تلاقيش المم
0 Responses
إرسال تعليق
الاشتراك في:
تعليقات الرسالة (Atom)
التااريخ
